Banaadir,(insidesomalia.org)- Waxaa soo baxaya warar sheegaya in Maxamed Cumar Xabeeb (Maxamed dheere), gudoomiyihii gobolka Banadir ee xilka uu ka qaadey ra'iisal wasaare Nuur Cadde, kuna adkeysanayay in uu weli jagadaasi hayo uu xilka gudoomiyenimada uu  wareejin doono.

Wararka ayaa sheegaya in Maxamed Dheere uu si rasmi ah xil wareejintaasi u sameyn doono, iyada oo maaanta munaasabad la filaayay in uu xilka ku wareejiyo ay suuro geli weysay, sida ay xaqiijiyeen Mas'uuliyiin ka tirsan maamulka gobolka Banaadir.

Wararka ayaa sheegaya in Berito la filaayo in ay xil wareejintani dhacdo, iyada oo talaabadanina la sheegayo in ay tahay culeys dibada ka yimid.

Waxaa sidoo kale lagu soo waramayaa in maxamed Dheere lagu qanciyay in jago kale loo magacaabi doono, inkastoo aan la shaacin xilka loo dhiibi doono.

Xilwareejintan ayay kusoo beegmaysaa, iyadoo odayaasha Dowladda Federaalka KMG ee Soomaaliya ay heshiis kusoo galeen dalka Itoobiya,kaasoo uu qeyb ka yahay in Maxamed Dheere xilka laga qaado, iyadoo ay suuragal tahay in jago u ka helo golaha Wasiirada dhexdooda waa hadii la badiyo golaha Xukuumada, taasoo shaki weyn laga qabo in Baarlamaanka uusan ogolaan doonin ama uu Ra'iisul Wasaaraha laftiisa uusan raali ka noqon doonin.